NLW MS. Llanstephan 27 (The Red Book of Talgarth) – page 144v
Purdan Padrig
144v
hynt y rydhawyt ef o|r tan hỽnnỽ megys o|r kyrch kyntaf
a|duc y diefyl idaỽ. Ac ual y galwaỽd ef enỽ y gỽaraf
iachỽyaỽdyr. ar|hynt y diffodes yr hoỻ gynneu hyt na ch+
effit un wrychyonen yno o·honei. Pan weles y marchaỽc
hynny glewach vu yn|y vryt yn wastat hyt na bei arnaỽ
ofyn y diefyl. Odyna kan gỽeles ef gaỻu eu goruot ỽy
mor haỽd a galỽ glan enỽ iessu. Odyna y diefyl a|adaỽ+
sant y ty. ac y·dan gỽynaỽ ac erthỽch yn aruthyr y kerd+
assant. ac y|ducsant y marchaỽc y·gyt ac ỽynt. ac ef a
welei rei o·honunt yn ymadaỽ ac ereiỻ. Rei hagen oho+
nunt a|dugant y marchaỽc y·gyt ac ỽynt. yn beỻach drỽy
vrenhinyaeth uffern. Daear du oed yno. a|brenhinyaeth
dywyỻ. Ac ny welei ef dim yno dyeithyr y diefyl a|oedynt
ygyt ac ef yn|y dwyn. Gỽynt poeth a|oed yn chỽythu yno
breid y gaỻei y warandaỽ. ac rac kadarnet y gỽynt hỽn+
nỽ. ef a debygei y vot yn tyỻu y gorff trỽydaỽ. ỽynteu a|e
tynnassant ef yn erbyn y gwynt hỽnnỽ parth a|r ỻe y ky+
chwynnei yr heul hanner haf. A|phan doethant yno me+
gys y deruyn y|byt y dechreuassant ymchoelut drachefyn
parth a|r deheu. a|e dynnu trỽy gỽm ỻydan parth a|r|ỻe
y kyfyt yr heul hanner y gaeaf. a|r asgeỻwynt poeth o|e
hỽyneb. A phan yttoed ef veỻy ef a|glywei megys yn
gyffredin yr hoỻ vyt yn ỻefein yn druan ac yn udaỽ ac
yn kỽynaỽ. a phei vỽyaf y nessaei ef yno. eglurach y
clywei y ỻefein a|r|gỽynuan. O|r|diwed y diefyl a|doeth+
ant a|r marchaỽc ganthunt y vaes maỽr ỻydan. a|hir.
ac yn gyflaỽn o|drueni a|dolur. ac ny welei y marcha+
ỽc
| « p 144r | p 145r » |