Breudwd Welsh Prose 1300-1425
Cymraeg

NLW MS. Llanstephan 27 (The Red Book of Talgarth) – page 149r

Purdan Padrig

149r

gỽerthuaỽr glas yndunt ymdanunt. ffuryf eu habit
ac eu gỽisgoed a dangossei bop un y|r marchaỽc yn wa+
hanredaỽl megys yd aruerynt o|e gỽiscaỽ yn|yr oes
honn yma. ae herỽyd enryded ae herỽyd urdas. Amgen
liỽ a|oed hagen ar eu|habit ỽy. ac o amgen eglurder y
treythynt. Rei o·honunt megys brenhined coronaỽc y
gỽelit. Ereiỻ a|dygynt gỽisc eur yn eu dỽylaỽ. Nyt
oed le hagen y tegỽch a|r digrifỽch a welei y marchaỽc
y|r rei kyfyaỽn yn|y ỻe hỽnnỽ no hynaỽster a|digrifỽch y
kerdeu teckaf. ac ny eỻit dywedut melysset kywodola+
etheu y seint megys y clywit o bop parth yn moli duỽ. ~
Paỽb hagen oed lawen o|e briaỽt detwydyt e|hun. a|pha+
ỽb oed yn|dyrchafel ỻewenyd y gilyd. Nyt oed reit y neb
ỽrth dim o·nyt gỽarandaỽ hynaỽster yr arogleu tec a
glywit yno. Bendigaỽ duỽ a|wnaei baỽp pan edrychynt
ar y marchaỽc. a|ỻawenhau o|e dyuodedigaeth ef yno
megys kyt kychwynnei vraỽt udunt o veirỽ. Ef a|wel+
ei atnewydu ỻewenyd o bop parth o|e dyuodedigaeth ef yno
a|phaỽp yn ỻawen. Sein y seint a glywit yn|y coreu o bop
parth. nyt oed yno na gỽres nac oeruel. na dim a|aỻei na
chodyant nac argywed y neb. Tangnefedus a|bodlaỽn a
hegar oed bop peth yno. Ef a|weles yn|y ỻe hỽnnỽ ar ny
aỻei neb y dywedut na|e ysgriuennu. Ac yna y|dywedas+
sant yr archesgyb ỽrth y marchaỽc. ỻyma vraỽt o nerth
duỽ y gỽeleist di yr hynn a|damuneist y welet yn dyuot.
Yma y gỽeleist poeneu y pechaduryeit. ac yma y gỽele+
ist y gorffowys yssyd y|r rei kyfyaỽn. Bendigedic vo y