NLW MS. Llanstephan 27 (The Red Book of Talgarth) – page 169v
Marwolaeth Mair
169v
*Pedeir|blỽyd ar|dec oed oet yr ỻyma diwed meiR.
arglỽydes ueir pan|disgynnaỽd yr yspryt glan yn|y bru. Teir
blỽyd ar|dec ar|hugeint oed oet yn arglỽyd ni iessu grist.
pan|diodefaỽd ym prenn croc yr prynu cristonogyon da o
geithiwet uffern. vn vlỽydyn ar|bymthec y bu vyỽ yr arglỽ+
ydes veir gỽedy hynny. ~ ~ ~
M Elito gỽas crist yn anuon annerch yn tangnef+
ed y esgob eglỽys gardinei. Trist yỽ yn enrydedus ̷+
syon vrodyr ni yng|crist y rei yssyd yn pressỽylaỽ yn laodi+
cia. am na chaỽssant wybot diheurỽyd am uarỽolya+
eth y wynuydedic arglỽydes ueir uorỽyn. ac o|vuched y
proffỽydi. Wrth hynny yd ỽyf i yn anuon attat ti. ac at+
tunt ỽynteu yn|ỻythyraỽl o·blegyt y gỽir Jachỽyaỽdyr
diheurỽyd a gỽirioned megys y kaỽsam ni y gan Jeuan
ebostol. pan yttoed yn arglỽyd ni iessu grist dros uuched
yr hoỻ vyt gỽedy pỽyaỽ y kethri yndaỽ yn diodef ym prenn
croc. ef a arganuu geyr·ỻaỽ y groc y vam. a|e disgybyl yr
hỽnn a|garei yn wahanredaỽl. nyt amgen no ieuan ebos+
tol yn vỽyaf o·honunt oỻ. kanys ef oed yn wyry o|e gorff
o·honunt oỻ. Ac yna y gorchymynnaỽd ef y gyssegredic
uam i Jeuan. ual hynn. ỻyma dy vam di heb ef. Ac ỽrthi
hitheu ỻyma dy uab ditheu. Ac o|hynny aỻan y diodefaỽd
hi aỻtuded y byt hỽnn. ac y pressỽylaỽd ym pryder Jeuan
ebostol. A gỽedy mynet yr ebystyl y bregethu y|r bobyl. hi+
theu a|drigyaỽd yn|ty vn o|e rieni. geyr·ỻaỽ mynyd oliuet.
A|r vlỽydyn gỽedy esgynnv o grist arglỽyd y oruchelder
nef. diwarnaỽt yd oed hitheu yn gyflaỽn o|damunet y
The text Marwolaeth Mair starts on line 1.
| « p 169r | p 170r » |