NLW MS. Llanstephan 4 – page 36r
Breuddwyd Pawl
36r
pydeỽ inseiledic o seith inseil. Saf ym+
peỻ heb ef ỽrth baỽl kanny eỻy di diodef
arogleu y ỻe hỽnn. Ac yna ef a doeth o|r
pydeỽ ryỽ arogleu a brynti val yd oed
waeth ac anaỽs eu godef no|r poeneu e+
reiỻ oỻ. Ac yna y dywaỽt mihangel
ỽrth baỽl. Pỽy bynnac a|el vn weith
y|r pydeỽ hỽnn ny daỽ y gof vyth yng
kyndrycholder y tat a|r mab a|r yspryt
glan. Pỽy heb·y paỽl y rei a|ant y|r py+
deỽ hỽnn. Y rei heb·y Mihangel. ny chredas+
sant y vab duỽ yr hỽnn a|diodefaỽd yr
y byt. ac ef a|welei yn|y pydeỽ gỽyr
a gỽraged meibyon a merchet yn noe+
thon. a phryfet a seirff a nadred yn
eu knoi. ar* eneideu pob vn ar benn
y gilyd megys deueit y|myỽn keil.
a dyfnet y pydeỽ oed megys ỻaỽn
dremynt y welet. A|phan agoret ge+
neu y pydeỽ; ef a glyỽei dỽrd yr eneit+
eu ac eu herthỽch a|e kỽynuan megys
tỽryf maỽr o awyr. ac edrych a|oruc Pawl.
y|r nef ac y|r|daear. ac ef a welei eneit
pech·adur y·rỽng seith kythreul yn
vdaỽ ac yn dryc·yruerth gỽedy y dỽ+
yn y dyd hỽnnỽ o|r korff. a ỻefein a ̷
| « p 35v | p 36v » |