NLW MS. 3035 (Mostyn 116) – page 167r
Brut y Tywysogion
167r
y castell ac a|e ỻosgassant. gỽedy fo rei o|r gỽyrcheittweit
a dyfot ereiỻ attunt hỽynteu y hedỽch. ac achub a|wnaeth+
ant veironẏd a|chyfeilaỽc a|phenỻyn a|e ranu yrygtunt. ac
y gruffud vab maredud y deuth kyfeilaỽc a maỽdỽy a|haner
penỻyn. a|r haner araỻ y|penỻyn y veibon cadỽgaỽn vab
bledẏn. Yg|kyfrỽg hynẏ y teruynaỽd y vlỽydẏn yn vlin ac
Y yn atkas y gan baỽb. |vlỽydyn rac ỽyneb y bu varỽ gil+
bert vab rickert. a henri vrenhin a drigyaỽd yn nor·mandi
o achaỽs bot ryfel yrygaỽ* a brenhin freinc ac veỻy y|ter+
uynaỽd y vlỽydyn hono Y vlỽydyn racỽyneb y|magỽyt an+
vndeb yrỽg hỽel vab Jthel a oed arglỽyd ar ros a rywynaỽc
a|meibon ywein ap edwin. gronỽ a|ridit a ỻywarch a vrodyr y
rei ereiỻ. a hỽel a anuones kanadeu at varedud vab bledyn
a|meibon cadỽgaỽn vab bledyn. Madaỽc ac einaỽn y eruyn+
eit vdunt y|dyuot yn borth idaỽ. kanys o|e hamdiffẏn ỽyn+
teu a|e kynhaledigaeth yd oed ef yn kynal y|kyfran o|r wlat
a doeth yn ran idaỽ. ac ỽynteu pan glyỽssant y ỽrthrymu
ef o veibon ywein a gynuỻassant y gỽyr a|e ketymdeithon
y·gyt. kymeint ac a gaỽssant yn baraỽt val am gylch pet+
war canỽr ac yd aethant yn|y erbyn y dyfryn clỽyt yr
hỽn a oed wlat vdunt hỽy ac ỽynteu a gynuỻassant y
gỽyr gyt ac vchdrut eu hewythẏr a dỽyn gyt ac ỽynt
y|freinc o gaerỻion yn borth vdunt. ac ỽynteu a gyfaruu+
ant a|hywel a maredud a meibon kadỽ·gaỽn a|e kymhortheit
a|gỽedy dechreu brỽydyr ymlad o|bop tu a|wnaethant yn
chỽerỽ. ac yn|y|diwed y|kymerth meibon ywein a|e ketym+
deithon wedy ỻad ỻywarch vab ywein a Joruerth ap nud gỽr
deỽr enwaỽc oed. a gỽedy ỻad ỻawer a|brathu ỻiaỽs yd
| « p 166v | p 167v » |