NLW MS. 3036 (Mostyn 117) – page 62
Brut y Brenhinoedd
62
.Ac attunt heuyt yr dothoed bot yn weilgi yn gyfla+
ỽn o lyghes gan gaswallaỽn yn| y ymlit. Ac ỽrth
hynny gleỽach oed y| ffreinc yn keissaỽ y| ỽrthlad oc
eu teruyneu. A guedy guelet o vlkessar hynny. ymg+
allau a oruc ynteu. Ac ny mynnỽys ymrodi ym pe+
druster damwein ymlad a|r pobyl greulaỽn hon+
no. namyn agori y dryssor a rodi y paỽb amhylder
o eur ac aryant. A bodhau paỽb o|r bonhedigyon a|r
dylyedogyon. Ac eu tagnofedu velly. Ac eu dỽyn
yn vn ac ef. Ac ygyt a hynny adaỽ eu breint ac eu
dylyet y paỽb o|r a|e collassei. A|e rydit yr a| uei gaeth.
A|r gỽr a oed gynt yn antrugaraỽc megys lleỽ dywal
creulaỽn lluchadennaỽc guedy eu hyspeilaỽ ac eu
treissaỽ; yr aỽr honno yd| oed hỽnnỽ megys oen
guaredaỽc yn adaỽ talu ac eturyt pop peth udunt
trachefyn. Ac ny orffowyssỽys o|r guaredogrỽyd
hỽnnỽ trỽy eu claerhau ac eu hedychu. hyny duc
oll yn vn ac ef. Ac yn yr amser hỽnnỽ nyt oed na
chywyd nac ymdidan gan neb. namyn am ffo vl+
kessar a budugolyaeth a goruot y brytanyeit.
AC ym pen y| dỽy ulyned eilweith paratoi llyghes
a oruc vlkessar y| geissaỽ dial ar gaswallaỽn y
sarhaet a|r wnathoed idaỽ. A phan gigleu gaswall+
aỽn hynny. kadarnhau y| gestyll a oruc. Ac adeilat
ereill o newyd. A gossot keitweit cadarn ym pop por+
thua yg|kylch ynys prydein. A gỽneuthur sycheu
heyrn plymedic ar hyt canaỽl temys. A gossot y rei
| « p 61 | p 63 » |