Breudwd Welsh Prose 1300-1425
Cymraeg

NLW MS. Peniarth 11 – page 138v

Ystoriau Saint Greal

138v

cachyat a|dywat. Gwalchmei heb ef nac ymlad a|r|marcha+
ỽc o|m hyder|i. kanys ny cheffy di gennyf|i na nerth na chan+
horthỽy. Ny|m taỽr heb·y gỽalchmei. myvi a orffenneis lawer
o betheu hebot ti. a|mi a orffennaf hynn heuyt os da gan
duỽ. ac yna o nerth traet eu meirch. ymgyfaruot a|orugant
a thorri eu|pelydyr. ac ar|dyrnaỽt gỽalchmei ef a|vu reit
y|r marchaỽc syrthyaỽ ef a|e varch y|r ỻaỽr. Ac odyna tynnu
y gledyf a|oruc gỽalchmei a ruthraỽ idaỽ. Ae vy ỻad i yssyd
y|th vryt ti. Je myn vyng|cret heb·y gỽalchmei. Arglỽyd heb
y marchaỽc na wna hynny mi a ymrof ytt. a|th naỽd a arch+
af kanys ny mynnaf|i varỽ yr ffolineb araỻ. Medylyaỽ a|o+
ruc gỽalchmei yna. na wnaey idaỽ dim drỽc. kanys nyt
oed haỽd ganthaỽ torri gorchymun duỽ. Yna y marchaỽc
a|gyuodes ac a|wnaeth gỽrogaeth idaỽ o|e arglỽyd ac o|e gorff
ac o|e|da yn hoỻhaỽl yr y vywyt ~ ~ ~  
A R hynny y marchaỽc a|aeth ymeith. a|gỽalchmei a
drigyaỽd yno. arglỽyd heb y march* yat* ny mynnỽn
J vy mot yn|gyn|dewret a|thydi yr da y byt oỻ. a|phei rybud+
yassei ef vyui. ual y|th rybudyaỽd di mi a|phoassỽn ar hynt
neu ynteu mi a|archassỽn y naỽd. Jaỽn a|wnant heb·y
gỽalchmei. ny mynny di namyn hedỽch. Po·nyt iaỽn yỽ
hynny heb ynteu. kanys ny daỽ o ryuel dim namyn|drỽc.
ac ny chefeis i eirmoet na dyrnaỽt na briỽ o·ny|m trawei
ganghen o|r coet. a|mi a|welaf dy wyneb di yn|dryỻeu. ac yn
iach ytti heb ef a|myui a|af yn ol vy arglỽydesseu. Nyt ey di
heb·y gỽalchmei yny dywettych ym paham y|mae dy arglỽyd  ̷+
es