NLW MS. Peniarth 11 – page 160v
Ystoriau Saint Greal
160v
a|r marchaỽc a|e diolches udunt. ac a|dywaỽt eu bot yn diga ̷+
ỽn eu kyuoethocket beỻach. ~ ~ ~
O dyna ỽynt a|doethant y|r neuad. a gỽas o|r|ty a gỽeiry+
aỽd y meirch. a|r morynyon a|e kymhorthassant ỽyn+
teu o diosc eu harueu y amdanadunt. Arglỽydi heb y marcha ̷+
ỽc bioed y casteỻ myn vyng|cret heb ef nat oes gennyf|i. chỽ+
eith diỻat y gaỻeỽch eu|gỽisgaỽ. kanys nyt oes ym dim
onyt vym|peis. Truan vu gan walchmei a|laỽnslot eu
tlottet. ac yna y morynyon a|dynnassant eu sỽrcodeu y
rei oed ar warthaf eu crysseu. ac a|e kynnigyassant udunt
o|e gỽisgaỽ. ac nys gỽrthodassant ỽynteu rac tybyeit onad+
unt panyỽ yr amarch arnadunt y gỽrthodynt. ac am hynny
eu gỽisgaỽ a|wnaethant. a|ỻawen vu gan y morynyon
hynny. arglỽydi heb y marchaỽc tlaỽt. y|marchaỽc a doeth
yma a|r chwedleu y walchmei neut marỽ. ac y|mae gỽedy
y estynnv yn|y capel. a|mi a bereis gyrchu meudỽy o|e gyf+
fessu. ac o|e gymunaỽ. ac ef a|erchis ymi ych annerch chỽi
drỽy adolwyn yỽch uot auory ỽrth y anglaỽd. kanys gỽeỻ
no chwchỽi ny aỻei ef eu kaffael o|e ganhebrỽng. Yn wir heb+
y laỽnslot ỻyna ovit maỽr vu y goỻi ef. a|drỽc yỽ gennyf na
ovynneis y henỽ. ac o ba|le yd hanoed. Arglỽyd heb·y gỽalch+
mei. ef a|dywaỽt y gỽybydut ti yn ehegyr pa vn oed ef. Gỽ+
alchmei a|laỽnslot a|vuant yno y nos honno. A phan vu ~
dyd drannoeth ỽynt a|aethant y|r capel y warandaỽ offeren.
ac a|gymhorthassant y corff o|e gladu. A gỽedy hynny ỽynt
a gymerassant eu kennat y gan y marchaỽc a|r vnbennesseu.
| « p 160r | p 161r » |