NLW MS. Peniarth 11 – page 261r
Ystoriau Saint Greal
261r
naỽ ef hynny. Ac yna y brenhin a ovynnaỽd. Laỽnslot heb ef. pa+
ham y doethost di yn|aruaỽc yma. Arglỽyd heb·y laỽnslot ef a|dywet+
pỽyt ym vot marchogyon ereiỻ yn aruaỽc yma heuyt. ac ovyn
a|aeth arnaf|inneu vot ryỽ ormes gỽedy dyuot yma arnat. Am+
gen vedỽl no hỽnnỽ heb·yr arthur a|uu gennyt|ti herwyd a|dyw+
etpỽyt ymi. a|phei gỽac uei y neuad o|dynyon mi a|debygaf y ỻad+
ut ti vyui. ac ar hynny y brenhin a|erchis daly laỽnslot. Y mar+
chogyon yna a|neityassant o bop parth idaỽ. kanys ny lyuessynt
ỽy dorri gorchymun y brenhin. ac heuyt tylỽyth briant oedynt
gan|mỽyaf. A|phan y gỽeles laỽnslot ỽynt yn dyuot tu ac attaỽ
ef a dynnaỽd y gledyf ac a|dywaỽt. Myn vym|penn i heb ef ỽrth
arthur ny thebygassỽn i dim o|r dỽyỻ honn. ac ys|drỽc a|dal yỽ
hỽnn y mi dros y gỽassanaeth a|wneuthum i ytti. Ac yna gossot
a|wnaeth paỽp ar untu ar daly laỽnslot. ac ynteu a gerdaỽd dan
ymamdiffyn y ganthunt yny doeth hyt ym mur y|neuad. o|r
hỽnn y goruc ef gasteỻ o|r|tu dra|e|gevyn idaỽ. a|chynn y dyuot
hyt y mur neur|daroed idaỽ sarhau seith o·nadunt rỽng y|rei
a ladyssei ac a|sarhayssei. ac ueỻy yr amdiffynnaỽd ef yn wraỽl
o|bop tu idaỽ. Eissyoes yr oedynt ỽy yn|roi idaỽ ef dyrnodeu cre+
ulaỽn drỽc. ac nyt oed gyffelyb dec ar|hugeint neu deugeint o
dyrnodeu y vn dyrnaỽt. namyn ryuedaỽt oed pa|delỽ y gaỻei
vn gỽr parhau yn erbyn y saỽl wyr hynny. Laỽnslot a ym·am ̷+
diffynnaỽd yn|oreu ac y gaỻaỽd. a|chynn y daly ef a|wnaeth
y werth. kanys o|r deugeint marchaỽc nyt aeth yr vn yn gyua
| « p 260v | p 261v » |