NLW MS. Peniarth 11 – page 278v
Ystoriau Saint Greal
278v
yrot ti beỻach. ony byd drỽydaỽ ef a thrỽy dy vilwyr ereiỻ
da. A gỽybyd di yn ỻe gỽir mae paredur a|gỽalchmei a
laỽnslot ac owein oedynt drych ac exaỽmpyl y gỽbyl o|th
lys a|th gyuoeth. Lucanus heb·yr arthur pei tebygỽn aỻ+
el ymdiryet vyth beỻach y laỽnslot. mi a barỽn y eỻỽng
o|r carchar. kanys mi a|wnn na|bum gỽrteis yn|y gyueir.
a laỽnslot yssyd gyflaỽn o gallon uaỽr galet. ac ny wydy+
at ef adel dros gof y blinder a gafas yny gaffei y dial. ka+
nys nyt oes brenhin o|r hoỻ vyt yr cadarnet vei ny lyuas+
sei ef ovyn y gyuyaỽnder idaỽ. Arglỽyd heb·y lucanus ef
a|wyr laỽnslot o·ny bei gynghor araỻ na wnathoedut idaỽ
dim oc a|wnaethost. a|mi a|wnn hynn ar laỽnslot na wna
ef ytti chweith drỽc. kanys y mae yndaỽ efo ỻawer o rym
a chywirdeb. a thi a|wdost hynny ual y profeist ef lawer gỽ+
eith. ac o|r mynny di ostỽng dy elynyon a chynnal dy deyr+
nas goỻỽng di efo o|r carchar. ac ony wney di hynny ti a
goỻy dy deyrnas drỽy dwyỻ. Arthur yna a|gredaỽd y gyng+
hor lucanus vỽtler. ac a|beris dwyn laỽnslot geyr y vronn.
Laỽnslot heb y brenhin pa|delỽ yd ymglywy di. Arglỽyd
heb·y laỽnslot. an·esmỽyth iaỽn vu arnaf|i yr ys|talym. ac os
da gan duỽ a chennyt titheu ef a vyd gỽeỻ ym o hynn aỻ+
an. Laỽnslot heb y brenhin yd ỽyf|i gỽedy ediuaru arnaf a
wneuthum y|th gyueir di. a mi a vedylyeis yn vynych am
dy gywirdeb y|m|kyueir. a mi a|ymendaaf ytt ar dy ewyỻys
| « p 278r | p 279r » |