NLW MS. Peniarth 190 – page 141
Ystoria Lucidar
141
1
thon vydant a|disgleiryaỽ a|wnant o|bop te+
2
gỽch. ac ny byd mỽy eu|kewilyd ỽy o vn ael+
3
aỽt udunt noc o|e ỻygeit. namyn iechyt
4
vyd eu gỽisgoed ỽy. a|e heineu a|vyd o|wisc
5
ỻewenyd. ac megys y byd amryuael grass
6
y|r blodeu. megys gỽynder y lilis. a chochder
7
y ros. veỻy y mae ac y credir bot amryuael+
8
der vlodeu neu liwoed yng|kyrff y seint. me+
9
gys amgen liỽ y|r merthyri. ac amgen y|r
10
gỽerydon. a hynny a gyfrifir yn|ỻe gỽisgo+
11
ed udunt. discipulus A aỻant ỽy wneuthur yr hynn
12
a|vynnont. Magister Ny|mynnant ỽy wneuthur
13
dim namyn|da. ac ỽrth hynny ỽynt a|aỻant
14
wneuthur yr hynn a vynnont. ac a aỻant
15
vot yn|y ỻe y mynnont heb olud. discipulus Pa beth
16
a|wnant ỽy. Magister|Galỽ ar duỽ a|wnant a|e uoli
17
yn|yr oes oessoed ameN. discipulus Pa uolyant yỽ
18
yr eidunt ỽy. Magister Molyant duỽ y gan y seint
19
yỽ ỻawenhau o edrych arnaỽ. discipulus|A goffaant
20
ỽy y drygeu a|diodefassant gynt ar eu
21
kyrff. Magister Ef a|daỽ cof udunt bop peth. discipulus
22
A doluryant ỽy am hynny. Magister Ys mỽy y
| « p 140 | p 142 » |