NLW MS. Peniarth 190 – page 149
Ystoria Lucidar
149
am yr hỽnn a brouet. megys pei|dottit hae+
arn tanỻyt gỽynnyas ar benn ryỽ dyn
ac yna y deuei dolur drỽy bop aelaỽt idaỽ.
veỻy yng|gỽrthỽyneb y hynny y kaffant
ỽy eu ỻỽyr ewyỻyr* ympob aelaỽt udunt
o vỽyn ac odieithyr. Ewyỻys dyn yman
yỽ gỽelet ỻawer o wyr a|gỽraged tec. edrych
ar adeiladeu rac eglur. a gỽiscoed maỽrwe+
irthyaỽc. Gwarandaỽ keinyadaeth uelys.
ac ymadrodyon kysson. a thelyneu a|saỽ+
tringeu a phibeu. a cherdeu ereiỻ. ac aro+
gleu ystor. a llysseuoed. ac ymrauael ireit+
eu gỽerthuaỽr. a|digrifhau o amryỽ wle+
deu. Teimlaỽ petheu claear hynaỽs. Medu
y·gyt a|hynny ỻawer o olut. ac amryuael
dootrevyn. a thlysseu. a|hynny oỻ a uyd ud+
unt ỽy heb deruyn vyth arnunt. discipulus Owi o|r
ewyỻys a geiff yr olỽc yna. Magister Kystal y
gỽyl y|ỻygeit yna yn gaeat ac yn agoret.
a|chystal y gỽyl paỽp yna a|e lygeit a|e gi+
lyd. Wynt a welant brenhin y gogonyant
yna yn|y degỽch a|e enryded. ac ỽynt a|welant
| « p 148 | p 150 » |