NLW MS. Peniarth 190 – page 165
Ystoria Lucidar
165
M ynych yd erchis vyng|kyt·disgyblon ym
oỻỽng peth o|ovynneu bychein udunt.
ac ny eỻeis inneu eu nackau ỽy rac bot yn
bechaỽt ym cudyaỽ yn|y daear y sỽỻt a orch+
ymynnyt ym. yny vo y ỻauur hỽnn yn|ỻes
ynni yr aỽr honn. ac y|r rei a|del y|n hol ninneu.
ỽrth hynny mi a|orchymynnaf ac a|archaf
y|r neb a|e darỻeo wediaỽ duỽ drossof|i. Enỽ
y|ỻyuyr hỽnn yỽ lucidar. Sef yỽ hynny
goleulyuyr. kanys yndaỽ ẏ goleuheir am+
ryuaelon dywyỻyon betheu. Ny menegeis
ynneu vy enỽ vy hun. rac gỽeỻygyaỽ y gỽ+
eith hỽnn o genuigen. archet hagen y dar+
ỻeaỽdyr ysgriuennu yn|y nef enỽ y neb a|e
gỽnaeth. ac na dileer y enỽ o lyuyr y vuched.
Grwndwal y gỽeith hỽnn a|ossodet ar gar+
rec. Sef yỽ honno crist. a|r hoỻ weith wedy
hynny ar bedwar piler. a|r piler kyntaf a
drycheif aỽdurdaỽt y proffỽydi. Yr eil a|w+
astatta teilyngdaỽt yr ebystyl. Y trydyd
a gadarnhaa yr ysponwyr. Y pedwyryd pi+
ler a|sefydla caỻ gywreinrỽyd. ~ ~ ~ ~ ~ ~
| « p 164 | p 166 » |