NLW MS. Peniarth 190 – page 205
Ymborth yr Enaid
205
eu meined. Ac ydan hynny tyneryon
hirwynnyon draet. a|chyngkrynnyon
vyssed arnadunt gỽynndestlussyon.
Ac odyna tynerder yr hoỻ ysprydaỽl
gnaỽt detholuslathyr. kymeredic o|r ys+
pryt glan a gỽynvydic a|ganedic o|veir
wyry. yn kyflenỽi kyfladyat pob fyd+
laỽn gnaỽt ac ef o|dragywydaỽl garyat
annỽylserch. Ac am y|mab serchaỽcbryt
hỽnnỽ yd oed y kyfryỽ wisc honn nyt am+
gen. Peis a|hossaneu o|r ystinos teneu.
claerwynn. Sef yỽ yr ystinos. maen cla+
erwynn gỽerthuaỽr. ac a|geffir yn|yr ys+
paen eithaf. ac a|eỻir y nidu a|gỽneuthur
gỽisgoed o|r|adaued hỽnnỽ. a|r wisc a|w+
neler o·honaỽ a|olchir yn|y tan pan vutrao.
ac vyth y para. ac a|elwir uryael. kanys
vr o efrei tan yỽ o gymraec. a bottymeu
o|eur perffeithgoeth ar bop ỻawes o ar+
dỽrn hyt ym|penn·elin. a rudem gỽerth+
uaỽr ympob bottvm. Ac ueỻy yd|oed ar
| « p 204 | p 206 » |