NLW MS. Peniarth 190 – page 217
Ymborth yr Enaid
217
mỽth. hyt na mynnut da y byt oỻ hebdunt.
ac yna ony eỻy amgen. rac ryỽ serchaỽl
garyat alỽ ar yr|enweu oỻ. galỽ vyth ar
yr enỽ bendigedic hỽnn. ~ Jessu vn mab
meir wyry. ~ ac yna o chlywy ryỽ ganu+
eu per araflef. gỽybyd mae y engylyon
ef a|e kanant. ac o|r gỽely ryỽ ganheit+
wenn wybren yn deissyfyt yn kyflenwi dy
hoỻ olỽc. a|th hoỻ gaỻon o aduỽynserch
garyat tragywydolder vywyt yn chwim+
mỽth yn disgleiryaỽ megys lluchaden.
gỽybyd mae efo e|hun yn ysprydaỽl oruo+
uoledus gnaỽdolder yssyd yno. ac yna
dygynlut alỽ vyth. ~ Jessu vn mab
meir wyry ~ yny syrthyo arnat ber
varỽhun digrifdlos o|r mynychyon ber+
lewycuaeu a dywetpỽyt uchot. Ac yna
o|r gỽely yn|y varỽ·hun honno megys
hun araỻ ber arafach no|r hun gyntaf
yn|dyuot. gỽybyd dy vot odieithyr dy
gnaỽtolyaeth yn ysprydaỽl hun dỽyvrỽyt.
| « p 216 | p 218 » |