NLW MS. Peniarth 190 – page 242
Penityas
242
nyt e|hun am|dwyn eneidyeu y gymodo ̷+
gyon y gan duỽ. namyn am gadarnhau
yn|y drỽc y rei a|dykei ef neu araỻ y +gan
thaỽ. Elchỽyl kanys bu yn ardysc y
ereiỻ ar|drỽc ac nyt ar da. Heuyt am
y tristit a roes ef yn|y rei da drỽy bechu
ac o|r ỻewenyd ny|s rodes yndunt drỽy
y weithredoed da. Ygyt a hynny. medyly+
et. nyt e|hun pa beth na pha|delỽ y gỽna+
eth. namyn pa|delỽ y codes ef duỽ yn ang+
hyfyaỽn. y petheu a brofir drỽy seint aỽs+
tin. ac ygyt a hynny kanys gwahane+
dic yỽ credyfwr y wrth weithredoed
bydaỽl hyspyssu y govynneu a dylyir
ac eu govyn y|r rei hynny. Yn enwe ̷+
dic o deudec cam·aruer y claỽstyr. yn|y
rei y ỻygrir ystat y credyf yn vynych.
Sef ynt y rei hynny. Prelat ebryvygus
Disgybyl an·vuyd. Jeuangk segur. hen
gỽrthỽynebus. Mynach ỻysseid neu gỽr+
teis. abit gỽerthuaỽr. Mynach neu gan+
| « p 241 | p 243 » |