NLW MS. Peniarth 190 – page 27
Ystoria Lucidar
27
mynnei y was wneuthur ryỽ weith. ac
erchi idaỽ ymoglyt y ffos. ac yna tremygu
o·honaỽ ynteu orchymyn y arglỽyd. a dygỽ+
ydaỽ o|e vod yn|y ffos ac adaỽ y gỽeith yn
anorffen. po·ny bydei gamgylus y gỽas.
veỻy y goruc adaf. tremygu duỽ a|gadu
gỽeith vfuddaỽt y dygỽydaỽ yn ffos ang+
heu. discipulus Pa|wed y bu reit idaỽ ef ymchoelut.
Magister|Ef a|dywaỽt talu drachefyn ohonaỽ yr
anryded a duc y gan duỽ a gỽneuthur iaỽn
dros y pechaỽt a|wnathoed. Kanys kyfyaỽn
yỽ y|r neb a|dycko da araỻ y detvryt idaỽ
drachevyn. a gỽneuthur iaỽn idaỽ heuyt
dros y sarhaet. Discipulus Beth a|duc ef y gan duỽ.
Magister Cỽbyl o|r a vynnassei y wneuthur am y
genedyl ef. Discipulus|Pa wed y talaỽd ef yr enryded
a|duc. Magister Gorchyvygu kythreul. megys y gor+
chyuygaỽd y kythreul ynteu a|e dỽyn ac
ef a|e etiued y|r vuched yn vn ffunyt a|phei
trigyassynt yn|y hansaỽd. discipulus Pa wed y gỽna+
eth ef iaỽn. am wneuthur o·honaỽ bechaỽt
| « p 26 | p 28 » |