NLW MS. Peniarth 190 – page 86
Ystoria Lucidar
86
lauur y dwylaỽ. discipulus Beth am y rei bychein. Magister
Rei heb dywedut hyt ar deirblỽyd a hyn+
ny gan gael bedyd a|vydant. megys y
dywedir. Y ryỽ rei hynn bieu teyrnas nef.
rei pumlỽyd a mỽy a|ant yng|kyvyrgoỻ.
ereiỻ a dieingk. Megys y dywedir. Ychy+
dic a iacheir. a chyuyng yỽ y fford a|dywys
y|r vuched. ac ychydic a gerda idi. Eissyoes.
megys y dethol y golomen y graỽn pur.
veỻy y dethol crist y etholedigyon ef a|e se+
int dirgeledic o blith yr hoỻ genedloed. a
rei heuyt o genedyl y ỻadron a|gymer ef.
kanys duỽ a|wybu dros garyat pỽy y
goỻyngaỽd ef y waet drostunt. Ysgriuen+
nedic yỽ. Crist a|vu uarỽ dros y rei enwir.
discipulus Pa|delỽ y bu uarỽ ef gan hynny dros
baỽp. Magister Crist dros y etholedigyon e|hun
y rei a|oed ennwir yna a vu varỽ. dros
baỽp hagen y dyweit ef. sef yỽ hynny. o
bop kenedyl. ac o|bop ieith. ac nyt yn yr
amser hỽnnỽ e|hun. namyn dros baỽp rac
| « p 85 | p 87 » |