NLW MS. Peniarth 32 (Y Llyfr Teg) – page 31
Llyfr Iorwerth
31
dyly rannu y·rỽng y brenhin. a|r maer a|r kyghe+
ỻaỽr. Ef a|dyly o|r marỽdy y kic bỽlch. a|r e+
menyn bỽlch. a|r maen issaf o|r vreuan. a|r
ỻin heb geffylu. a|r wanaf issaf o|r yt. a|r yeir
a|r catheu. a|r vỽyaỻ gynnut. a|r talareu o|r yt
heb vedi. ac ony byd talareu yr eiryonynneu.
Ef a|dyly ympob ty o|r yd|el ar neges y brenhin
torth a|e henỻyn. Teir kyuelin a|dyly bot yn
hyt y waeỽ. dỽy tra|e|gefyn. ac un o|r tu racdaỽ.
O|r anreith o|r wlat a|dycker. ef a|dyly y tarỽ
o|r byd. ac ony byd; aniueil nyt el y·dan wed
neu gynfflith. Pan vo marỽ righyỻ y brenhin.
bieiuyd y|da oỻ. O|r serheir righyỻ yn eisted
y myỽn dadleu; ny dyly kaffel o iaỽn namyn
gogreit o geirch. a blisgyn wy. Y sarhaet ym+
pob ỻe hagen herwyd rei; kymeint a sarhaet
perchenaỽc y tir y sarhaer arnaỽ. ac ueỻy y
alanas. Ereiỻ a|dyweit panyỽ chwe|bu a chỽe
ugeint aryant yỽ y sarhaet. a|e werth chỽe|bu
a chỽeugein mu.
P ymhet yỽ y porthaỽr. Ef a dyly y dir
yn ryd. a|e ty o vyỽn y porth. Ef dyly y
ymborth yn wastat o|r ỻys. a seic pan vo y brenhin.
Ef a|dyly o|bop anrec o|r a|del trỽy y porth y
dyrneit. nyt amgen aeron ac ỽyeu. a|phenn+
weic a man betheu ueỻy. Ef a|dyly o bop pỽnn
| « p 30 | p 32 » |