NLW MS. Peniarth 33 – page 135
Llyfr Blegywryd
135
co treis ar wreic. ẏ|hamobẏr a|e dirỽẏ a
dal ẏ|r arglỽẏd. ~ ac ẏ|r wreic tal ẏ sarha+
et. a|e hegỽedi a|e|dilẏssrỽẏd. Os gwadu
a|ỽẏn ẏ|gỽr. ac os kadarnhau a|vẏn ẏ ̷ ̷
wreic ẏnn|ẏ erbẏn. kẏmeret hi ẏ|gala|ef
ẏnn|ẏ llaỽ aseu hi; a|thẏget hi ẏr dỽẏn
ohonnaỽ ef arnei treis. ac vellẏ nẏ
chẏll dim o|e|haỽn*. Y neb a|watto
treissaỽ gỽreic. rodet lỽ degwẏr a deu+
geint. neu dirỽẏ treis. Nẏt oes ẏg
kẏureith hẏwel da. ẏsbadu gỽr am
treissaỽ gỽreic O tri achaỽs nẏ
chẏll gỽreic ẏ|hegỽedi. kẏt adaỽho
ẏ|gỽr. O|glauri; ac o|eisseu kẏt. ac o
drẏc·anadẏl Teir gỽeith ẏ|keiff
gwreic ẏ|hwẏnebỽerth. kẏntaf ẏ
keiff. wheugeint. ~ Yr|eil weith; punt
Ẏ|trẏded weith ẏ|dichaỽn adaỽ ẏ|gỽr
a|mẏnet a|e|holl dẏlẏet genti. ~ ac os
diodef hi dros ẏ|trẏded weith nẏ
cheiff hi wẏnebỽerth Onẏ wna ̷
morỽẏn a|vẏnho o|e chowẏll kẏn+
nẏ chẏuot ẏ|bore o|e gỽelẏ ẏ wrth
ẏ|gỽr; ẏgkẏt ẏ|bẏd ẏrẏdunt o|hẏn ̷+
nẏ
| « p 134 | p 136 » |