NLW MS. Peniarth 33 – page 138
Llyfr Blegywryd
138
arn. a|r crẏmaneu oll namẏn vn
a|r garradeỻ; Y|wreic bieu ẏ|trẏ ̷+
bet. a|r badell. a|r voeỻ lẏdan a|r
gogẏr. a|r|sỽch. a|r cỽlltỽr. a|r vn
crẏman. a|r llin. a|r llinat. a|r
gỽlant. a|r tlẏsseu oll. eithẏr
eur. neu arẏant. Y|tri rei hẏn+
nẏ o|r bẏdant ẏn deu|hanner ẏ ̷
rennir. ~ Y|gỽr a geiff ẏr ẏscuba ̷+
ỽr a|r|ẏt a|uo ar|ẏ daẏar. ac ẏn|ẏ
daẏar. Ẏ gỽeeu gỽlan a|r rei llin
ẏn deu|hanner ẏ rennir. Ẏ|r gỽr
ẏ leir*. a|r cath. o|r byd ereill ẏ|ỽreic
a|e keiff oll. Ẏ|gỽr a geiff ẏ kic ẏn
heli. a heb heli. a|r caỽs ẏn heli a|heb
heli. Ẏ gỽr bieu ẏ|kic a|r kaỽs dẏr+
chauedic oll. a|r llestreit bỽlch o|r ̷
emenẏn. ~ a|r baccẏneu bẏlchon. a|r
caỽs bẏlchon. ~ a|r|wreic a|geiff o|r
blaỽt kẏmeint ac a|allo ẏ|dỽẏn
rỽg ẏ|dỽẏlaỽ ỽrth benn ẏ|deu ̷+
lin o|r gell ẏ|r tẏ. ~ Pob vn a|geiff
ẏ|wisgoed e|hun. onnẏt ẏ|men ̷+
tẏll a|rennir O r|gat gỽr ẏ|wreic
| « p 137 | p 139 » |