NLW MS. Peniarth 33 – page 157
Llyfr Blegywryd
157
trỽẏ teir oes rẏeeni o bop parth
ẏn tagneuedus heb gẏffroi haỽl
ẏmdanaỽ ẏnn|ẏ llẏs. heb losc tẏ.
heb torr aradẏr. o|eisseu kẏureith.
nẏ dẏlẏ vrtheb ẏ|rei hẏnnẏ ohon+
naỽ gỽedẏ ẏ|teir oes. kannẏs kaẏ+
edic ẏỽ kẏureith ẏrẏdunt Y neb
a|odefuo rodi tref ẏ tat ẏ arall ẏn ̷+
n|ẏ|vẏd ẏn tagneuedus heb wa ̷ ̷+
hard heb erbyn dẏỽedut. kẏt as
gouẏn. nẏ werẏteỽn* ẏnn|ẏ oes
o|gẏureith. y|etiuedẏon hagen
a|e keiff os gouẏnant ẏn gẏurei+
thaỽl. Nẏ chae kẏureith ẏrỽg ẏ
brenhin a|e tir dẏlẏet ẏn llei ẏs+
beit no chan mlẏned Gwedy ẏ
bo rann odeuedic ẏrỽg kẏt·etiue+
dẏon ar tir nẏt oes iaỽn ẏ vn
ohonnunt a* |ran ẏ|gẏlẏd. Ac eti+
ued ẏdaỽ eithẏr o atran pan dẏ* ̷+
l|ẏ|hanser*. Pỽẏ|bẏnnac hagen nẏ
bo etiued idaỽ o|gorff. ẏ|gẏtetiued ̷+
ẏon nessaf ovẏỽn ẏ|tir* ach o|r kẏff
a|vẏdant ẏn|lle etiuedẏon idaỽ.
| « p 156 | p 158 » |