NLW MS. Peniarth 33 – page 4
Llyfr Blegywryd
4
trayan y|gan y|brenhin o|r ennill
a|del idaỽ o|e tir. Ac val hẏnnẏ ẏ|dẏlẏ
sỽydogyon ẏ|brenhines caffel
trayan o|r enill ẏ|gan sỽẏgodogyon
y|brenhin Kẏlch a|dẏlẏ ẏ|vrenhin+
nes a|r|morẏnẏon. a|r|meibon. ar bi+
laeineit y|brenhin. pan el y|brenhin
ẏ|mays o|e tir e|hun. Gỽerith* bren+
hin ẏỽ; tal ẏ|sarhaet teir gỽeith gan
tri ardyrchauel. Teir sarhaet bren+
hin ẏnt; vn yỽ. torri y|naỽd; llad
dẏn ar naỽd y|brenhin. Eil yỽ; pan
el deu brenhin at eu|kẏffynyd ẏ vynu
ẏmaruoll; o|r|ỻedẏr* dyn yn eu gỽyd.
sarhaet brenhin yỽ Trydyd yỽ;
kamaruer o|e ỽreic. Tri ryỽ sar+
haet yssyd y|bop gwreicaỽd*. vn yỽ
y|taraỽ ar|y|gorff. Eil ẏỽ; bod araỻ
yg|kamaruer o|e wreic. Trẏdẏd ẏ*
torri naỽd dẏn a|allo rodi naỽd
y arall trỽy gẏfreith BAl* hẏnn
y|telir sarhaet brenhin can mu
yg|kyfeir pob cantref o|e arglỽydia+
eth a|gỽialen aryant kyhyt ac
o r llawr hyt yg|geneu y|brenhin
| « p 3 | p 5 » |