NLW MS. Peniarth 33 – page 97
Llyfr Blegywryd
97
dangosses o audurdaỽt iaỽn rẏ ̷
rodi o·honnaỽ vrỽt* gam kẏnno
kẏnnẏ*. ~ O|r dẏrẏ braỽdỽr cam vr ̷+
aỽt ẏn erbẏn dẏn nẏ allo trỽẏ gẏ ̷+
ureith ac ef ẏmỽẏstlaỽ am|ẏ gam
vraỽt. namẏn o|r dichaỽn ef dan+
gos yna. neu ẏn oet pẏmthec
niwarnaỽt trỽẏ lureu* kẏureith
ẏn erbẏn ẏ braỽtỽr braỽt teilẏ+
gach ẏn ẏscriuenedic. ẏ teilẏgaf
a seif idaỽ. a|r|braỽdỽr a gẏỻ cam+
lỽrỽ. Tri dẏn nẏ allant ẏmvẏs+
tlaỽ ẏn erbẏn braỽt trỽẏ gẏure+
ith. vn ẏỽ. brenhin lle nẏ allo
herỽẏd kẏureith seuẏll ẏ|mẏ+
ỽn dadẏl gẏr|bron braỽdỽr ẏn ho+
li neu ẏ ateb trỽẏ vreint anya ̷ ̷+
naỽl. neu trỽẏ vreint ẏ|tir. mal
breẏr. neu arall; Eil ẏỽ dẏn e+
glỽyssic rỽẏmedic ẏn urdeu kẏs+
segredic. Trẏdẏd ẏỽ; dẏn eglỽs+
sic rỽẏmedic ẏg|kreuẏd. kannẏ
dichaỽn neb herỽẏd kẏureith ro+
di gỽẏstẏl ẏn erbẏn braỽt onnẏt
| « p 96 | p 98 » |