NLW MS. Peniarth 35 – page 43v
Llyfr Iorwerth
43v
y tir hỽnnỽ Ef a dyly bot yno yn diat+
teb hyt yn naỽuet dyd. Ac yna rodi
atteb. Ac yn| yr eil naỽuet. kyfreith. Pỽy| byn+
hac y barnher dadanhud idaỽ a|e ryuot
a|e uỽrn. Ac a|e ueich. A|e ef a|y y
dat hyn* noc ef yn kyuanhedu a elỽyt
ar y tir. Ef a dyly bot yno yn diatteb
teir nos a| thri dieu ac yna rodi atteb
ac ym pen y naỽuet dyd kyfreith. Ar dadan+
hudeu hynny ny dylyir eu barnu y neb
Ony byd rod ac estyn y gan arglỽyd
idaỽ gynt ar y tir. Pỽy| bynhac
a| uynho holi tir o ach ac eduryt dan
gossot y ach hyt y kyff yd henỽ o·ho+
naỽ. Ac o ryuu ef yno yn pedwary+
gỽr. priodaỽr yỽ. Canys yn pedwar+
ygỽr yd| a yn priodaỽr. Ac nyt y uelly
y disgyn dyn o priodaỽlder yny uo all+
tut Ca nys y kyfreith. a| dyweit. O| der+
uyd y dyn bot yg gỽlat arall a|e o achos
dihol. A|e o achos galanas. A|e o angheneu
ereill mal na allo ef caffel y wlat yn
prytuerth. y kyfreith. a| dyweit na diffyd y
priodolder ef hyt y naỽuet dyn. Pa
| « p 43r | p 44r » |