NLW MS. Peniarth 35 – page 46v
Llyfr Iorwerth
46v
ytheu yr neb a|e dylyo. Tir cor+
fflan ny dylyir y rannu herwyd
gardeu. Ac o byd tei arnaỽ. Ny dy+
ly y mab ieuhaf wynt mỽy no|r
hynaf. Namyn eu rannu herwyd
ysteuyl*. Ny dyly neb attal gard+
eu gantaỽ herwyd breint y teil na+
myn un ulỽydyn Canys pob blỽyd+
yn y dylyir eu teilaỽ. Branar. dỽy
ulyned y dylyir y eredic. Branteil.
wir y uelly. Buarthteil. Teir bly+
ned y dylyir y eredic. Karteil pede+
ir blyned y dylyir y eredic. Tir co+
et. wir y uelly. Branarteil pedeir
blyned heuyt. Ny dyly braỽt bot
yn coedỽr yr braỽt arall namyn
talet idaỽ coet. kystal ar hỽn a di+
odes ynteu. Ac Ony cheiff coet Ta+
let gystal o henuaes idaỽ kymeint
ar coet. Ac Ony cheiff o henuaes
ardet yr hỽn ry| diodes y coet y arnaỽ
pedeir blyned ef. Ac odyna allan
Gadet o|e uraỽt kystal ac ef e hun
o·honaỽ. Ny dyly neb gwerthu
tir nae pridaỽ heb ganyat arglỽyd
| « p 46r | p 47r » |