NLW MS. Peniarth 36A – page 56r
Llyfr Blegywryd
56r
kadarnha trỽy ỽystyl. namyn yr aỽdur+
daỽt a geblir. or datganha braỽdỽr varn
heb lyfyr kyfreith yn| y llys. ac nas kadar+
nhao o ỽystyl yn erbyn gỽystyl y llall talet
yr brenhin gamlỽrỽ. ac yspeit a geiff y
rodi y varn o newyd rỽg y dadleuwyr. ac
y gadarnhau ae honno ae arall. Or dyry
braỽdỽr braỽt ffalst rỽg y dadleuwyr. a
godef y vraỽt o·honunt yn| y llys. a gỽedy
hynny rodi braỽt iaỽn o·honaỽ myỽn da+
dyl gyffelyb. talet yr brenhin gamlỽrỽ
dros y vraỽt ffalst a rodes gynt. kanys
e hunan megys tyst credadỽy a dangosses
trỽy vraỽt iaỽn ry rodi o·honaỽ vraỽt
gam kyn no hynny. Or dyry braỽdỽr
gam vraỽt yn erbyn dyn ny allo trỽy
gyfreith ymỽystlaỽ ac ef am y| gam
vraỽt. namyn or dichaỽn ef dangos yna
neu ar oet pymthec niwarnaỽt trỽy ly+
uyr kyfreith yn erbyn braỽt. braỽt teilygach yn
yscriuennedic. y teilygaf a seif idaỽ. ar
braỽdỽr a gyll camlỽrỽ. Tri dyn ny allant
| « p 55v | p 56v » |