NLW MS. Peniarth 45 – page 272
Brut y Brenhinoedd
272
a dywedy titheu llesget y bryttanneit yn
amdiffyn ynys prydein. Nyt reit ryuedu
hynny herwyd y tebygaf ui. Sef achos yỽ
hynny. Dyledogyon y teyrnas oll a duc
y gwyr a dywedeisti hyt y wlat hon. A phan
cauas yr anyledogyon medyant y gwyr
maỽr bonhedic. ymdyrchauel a wnaeth+
ant hỽy yg cam syberwyt yn uỽy noc y
canhadei dylyet. Ac o ormodyon kyuoeth
a golut. ymrodi y odineb megys na chly+
ỽyspỽyt y kyffelyp yn|y byt. Ac yn pen+
haf y peth a distryỽ yr holl da. Cassau
gwironed. A charu kelwyd. A thalu drỽc
dros da. Aruoll diauỽl dros engyl goleu+
at. Urdaỽ a wneynt brenhined creulaỽn
a thrỽy tỽyll y lledyn. Ac eilweith ethol
ereill a uei creulonach. Ac o|r bei un a car+
ei wironed. y diholynt hỽnnỽ megys bra+
dỽr ynys prydein. Ac y·uelly y gỽneynt pob
peth yn|y gỽrthỽyneb y wironed. Ac ny
cheissynt dim y gan uedyc yr holl nerth+
oed. Ac nyt mỽy y gỽnai y dynyon byt
no|r gwyr eglỽyssic a chỽuent duỽ e hun.
Ac nyt ryued bot yn cas gan duỽ y kene+
dyl a wnelhei y·uelly. Ac o|r achos honno
| « p 271 | p 273 » |