NLW MS. Peniarth 46 – page 163
Brut y Brenhinoedd
163
.prydein. a|allei goruot arnadunt. ac amlỽc
oed hynny. tra uuant. hỽy a|oresgynnas+
sant y|gỽladoed a|r|brenhinaetheu o a ̷+
gos ac o bell. ac a|gynnhelynt. ynys. prydein. yn
hedỽch ual kynt. a|phy|beth ỽeithon a
dyỽedaf|i namyn yna yd edeỽit y|kestyll
a|r dinassoed yn ỽac gỽedy daruot y|gelyn+
nyon llad eu kyỽdaỽtỽyr. ac yna yd an+
uones gỽedillon y|bopyl truan honno.
llythyreu hyt yn|ruuein at agicius amher+
aỽdyr ruuein yn|y mod hỽnn.|Cỽyn ̷ ̷+
uan ac ucheneiteu y|brytannyeit yn
dangos y|agicius amheraỽdyr rufein. ac yn mene+
gi bot y|mor yn eu kymell ar tor eu ge+
lynyon y|r tir. a|bot eu gelynyon yn|y ky+
mell y|r mor y|bodi. a menegi nat oed
udunt namyn un o|r deu ae eu bodi o|r
mor ae llad oc eu gelynyon ar|y|tir. ac
ymhoelut a|oruc y|kennadeu yn trist d
dracheuyn hep eu gỽarandaỽ a|menegi
hynny a|ỽnaethant y kyỽdaỽdỽyr.
| « p 162 | p 164 » |