NLW MS. Peniarth 6 part iv – page 38
Geraint
38
y gnaỽt. A gỽedy eu dyuot y|r coet. seuyll a oruc dan prenn
y ochel y tes. A dyuot kof idaỽ y dolur yna yn uỽy no phan
y caỽssei. A seuyll a oruc y uorỽyn dan pren arall. Ac ar
hynny ỽynt a glywynt kyrn a dygyfor. Sef ystyr oed
hynny. Arthur a|e nifer oed yn discynnu yn|y coet. Sef a
oruc ynteu medylyaỽ py fford yd aei y eu gochel ỽynt.
Ar hynny nachaf pedestyr yn|y arganuot Sef oed yno
gỽas y|r distein. A dyuot a oruc ar y distein. A dywedut idaỽ
y kyfryỽ varchaỽc a|welsei yn|y coet. Sef a oruc y distein
yna peri kyfrỽyaỽ y varch. A chymryt y wayỽ a|e tary ̷+
an a dyuot yn|yd oed ereint. A|varchaỽc heb ef beth a wney
ti yma. Seuyll yn y gooer a gochel y brỽt a|r tes. py ger ̷+
det yssyd arnat ti. a phỽy ỽyt. Edrych damweineu a cher ̷+
det y fford y mynhỽyf. Je heb·y kei dyret gyt a|mi y ym+
welet ac arthur yssyd yn agos. nac af yrof|i a duỽ heb ynteu.
ef a uyd reit it dyuot heb·y kei. Ac nyt atwaenat Gei ef.
A Gereint a atwaenat Gei. Ac ar hynny o gywirha ymwan
a orugant. A gossot a oruc kei ar ereint. val y gellaỽd oreu.
A|blyghau a oruc Gereint. Ac ag arllost y|wayỽ y wan dan y
dỽy·en hyny uyd yn ol y pen y|r llaỽr. Ac ny mynnaỽd
waeth idaỽ no hynny. Ac yn orwyllt ofnaỽc y kyfodes
kei. ac escynnu ar y varch. a dyuot y|ỽ lety. Ac odyna
mynet a oruc y orymdeith hyt ym pebyll Gỽalchmei.
A ỽr heb ef ỽrth walchmei. Mi a gigleu gan vn o|r gỽeis ̷+
son gỽelet yn|y coet uchot. marchaỽc briwedic. ac arueu
amdraỽt* ymdanaỽ. Ac o gỽney iaỽn ti a ey y edrych ae
gỽir. hynny. Ny|m taỽr i vynet heb·y Gỽalchmei. kym ̷+
er dy varch nu a pheth o|th arueu. Mi a gigleu nat di+
| « p 37 | p 39 » |