Oxford Rawlinson MS. B 467 – page 34v
Campau'r Cennin
34v
eu a diffodi krẏt gỽressaỽc a|ỽna a cha+
darnhau ẏ kyỻa a pherued dẏn a|iach+
au kornỽẏdon a|aner ẏn|ẏ kẏỻa neu
ẏn|ẏ chỽẏssigen a|thori gỽaetlin a|ỽn+
a pa ford bẏnnac ẏ del. Persli gỽr+
essaỽc a|sẏch ẏỽ peri vrin a|blodeu a|ỽna
a gostỽng mẏgodorth a|hỽẏd a hedẏ+
chu dolur areneu a|r chỽẏssigen ac
a·gori geneu ẏ kẏỻa a glanhau tẏỻe+
u ẏ chỽẏs a da ẏ irhau ac ẏ agori ~
ẏ gỽẏthi a|r pibeỻẏon a iachau kor+
nỽẏdẏeu a|uo arnadunt neu ar ẏr
areneu. Tauot ẏr hẏd gỽressaỽc ẏỽ
a|r diaỽt a|ỽneler ohonaỽ drỽẏ vrac a|ỽ+
na vrin a blodeu ẏ|hedẏchu dolur ẏstlẏ+
sseu ac ar·enneu a|chỽẏssigen
a heint calonn ac a ostỽg mẏ+
godorth ẏ perued oỻ ac a·gori kaeadeu
| « p 34r | p 35r » |