Oxford Rawlinson MS. B 467 – page 37r
Campau'r Cennin, Meddyginiaethau
37r
ỽi mẏỽn dỽfẏr neu vinegẏr a|e ẏfet
Da ẏỽ ẏ|r ẏstlẏsseu dolurus neu gor ̷+
nỽẏdeu a rac gỽeỽẏr ẏn ẏr ẏstlẏsseu
a|r klunẏeu. Da ẏỽ ẏ·vet ẏn vynẏch
a da ẏỽ rac ẏ|krẏt ẏ|verỽi myỽn oleỽ
oliỽẏd a|e rodi ar ỽẏthi breicheu ẏ dyn
kẏn dẏuot ẏ krẏt ar·naỽ. ac ẏ|bẏd hỽ ̷+
ẏd ẏn|ẏ volẏ ẏ ostỽg a|ỽna. Da ẏỽ rac
bolỽẏst ẏ verỽi dalẏm ohonaỽ gẏt a
figẏs a gỽin a|rodi ẏ|nos ar ẏ volẏ. Da
ẏỽ ẏ vỽyta ẏn vẏnẏch rac deỻi ỻẏgeit
Da ẏỽ ẏ gẏmẏscu a|sugun ẏ funẏgẏl
a|bẏstẏl keilẏaỽc a|gleỽ vel ẏgẏt ac
iraỽ ẏ|ỻẏgeit ẏn vẏnẏch yny veẏnt
iach. Da ẏỽ y|ỽeỻau golỽc sugẏn ẏ rut
a|mel a gỽin eu hidlo a|e|dodi mẏỽn ỻẏ+
geit tyỽyỻ.*Rac dolur penn briỽ de+
il ẏr eidral drỽẏ vinegẏr a gỽin coch
a|gossot ỽrth dal ẏ klaf. Rac hỽẏd a dolur
The text Meddyginiaethau starts on line 17.
| « p 36v | p 37v » |