Oxford Rawlinson MS. B 467 – page 80r
Meddyginiaethau
80r
a vo ẏn craỽnu a|r gankyr. Kẏmer
arnẏment. a|mel a gỽin a berỽ yn da igẏt
wẏnt ac ir ẏ|dolur a hỽnnỽ. arall Kẏmer hen
vlonec. ac|arẏan|bẏỽ. a|r|ffranck·acens a|r
mastic. ac ẏchẏdic o|bẏpẏr a briỽ bob vn oho ̷+
nunt ar neilldu ac ẏna kẏmysk igẏt a|r blo+
nec oer a dot ẏr arẏan|bẏỽ igẏt ac ef ac ir ẏ
dolur wrth dan arall Kẏmer wreid ẏ|tauol a
briỽ a gỽask ẏ|sud allan a|dot attaỽ sud ẏ
calamẏnt. a sud ẏ viluerth. a|sud llẏdan ẏ
fford. a sud ẏ|lancelt a dot igẏt meỽn padell
ar|ẏ|tan igẏt a|blonec ac a|hỽnnỽ ir ẏ|dolur
ba|le|bẏnnac ẏ|bo. Meddeginẏaeth dros wa ̷+
ẏỽ iddỽf ẏn|ẏr asgỽrn. Kẏmer hat ẏ|morgelẏn
meỽn ẏr vn ỻẏsseỽẏn a dot dan ẏ llẏdỽ i|bobi
ẏn|dda a|gỽask drỽẏ liein ẏn|dda ac|ẏna ef a
vẏd oẏl ac a|hỽnnỽ ir ẏ|dolur.
| « p 79v | p 80v » |