Shrewsbury MS. 11 – page 92
Ystoria Adda
92
ac y keffynt iechẏt a discẏn ryỽ randyghet y veibo+
n ẏr israel ẏmrẏsson ac ymdigio yn erbẏn duỽ
a Moesses am na cheffẏnt ẏ dỽr gỽrthdywededic
ac ẏna ẏ dywat Moesses gwẏrẏndeỽch pobẏl a+
nudyf anfydlaỽn pony allem ni dynnu ˄dỽr ẏ chwi
o|r garec honn ac ẏna ẏ trawaỽd ẏ gẏllestrenn
dwẏweith o|r gỽẏal ac redaỽd ẏ dỽr ẏn ẏ·halae+
th megẏs ẏ cauas ẏ bobẏl a|e aniueileit digaỽn
gwedẏ gwneuthur ẏ gwẏrth hỽnnỽ ẏd ẏmda+
ngosses yr arglwyd ẏ voesses ac ẏ dẏwat ỽrthaỽ
o achos na vendigeist|i vẏ enỽ i rac bronn pobẏ+
l yr israel bẏỽ ẏỽ duỽ na|s hebrẏghẏ ti hỽẏnt
ẏ|r tir adawedic ac nyt aeth vn onadunt eit+
hẏr calepha iosue ac ẏna ẏ adnabu voesses uot
teruẏn ẏ vuched ẏn dẏnessau ac ẏ doeth ẏ ym+
ẏl mẏnẏd tabar ac ẏno ẏ plannaỽd ẏ gwyal
ac ẏ gwnaeth ẏ vedd ẏ gladu e|hun ac ẏd aeth
ẏn|ẏ bed ac y rodes ẏ ẏspryt ac ẏno ẏ buant ẏ gỽ+
ẏal hẏt ẏn|amser Dauid proffỽẏt oed vrenhin.
ẏn indẏa ac yna ẏ gorchmẏnnỽẏd y dauyd tr+
| « p 91 | digital image | p 93 » |