Breudwd Welsh Prose 1300-1425
Cymraeg

Cambridge Trinity College MS. O.7.1 – page 49r

Llyfr Blegywryd

49r

OEn tra dynho; keinhaỽc kyfreith. a|tal
Pan wahaner; dỽy geinhaỽc kyfreith.
Aỽst; pedeir keinhaỽc kyfreith. a tal. Teithi
dauat; kymeint yỽ ae gỽerth. Teth
dauat; dỽy geinhaỽc kyfreith a tal.
Myn tra dynho; keinhaỽc cotta a|tal.
pan atto a·dynu; dỽy geinhaỽc cotta
a|tal. Aỽst; pedeir keinhaỽc cotta. Tei+
thi gauyr. kymeint yỽ ae gỽerth.
Teth gauyr; dỽy geinhaỽc cotta. Vn
werth uyd iỽrch a gauyr. kyfreith moch
PArchell yn|y growyn; keinhaỽc. kyfreith.
a|tal. Or pan el allan hyt pan atto a
dynu. dỽy geinhaỽc kyfreith. a|tal. pan atto
dynu. pedeir keinhaỽc kyfreith. a|tal. hyt ỽyl
ieuan y moch. Odyna hyt galan ionaỽr.
dec keinhaỽc kyfreith. a|tal. Odyna hyt yr un
ỽyl ieuan elchỽyl. deu·dec keinhaỽc
kyfreith. a tal. Ac yna deuparthaỽc uyd yr
eneit ar y kic. Odyna hyt galan ion  ̷+
aỽr. dec ar|hugeint a|tal. Ac yna deu+
parthaỽc uyd y kic ar y eneit. Nyt oes
werth kyfreith ar gnyỽ hỽch hyt ym  ̷+
pen y ulỽydyn. Ac yna kyfreith hỽch