BL Additional MS. 14,912 – page 63v
Meddyginiaethau
63v
pelen a dyro vn beunyd o|r pedỽar dieu
o|e yuet y myỽn ˄diawt tỽmyn O|chymer dyn
ỽenỽyn yuet sugyn y ditaen a gỽin
Y Dori gỽaetlin o froeneu. kymer. blaen
teir dynhaden a briw hỽynt gydaac
ychydic|flỽr. a dot yn|dỽymaf ˄ac y|geỻych yn|y
froeneu. Araỻ yỽ. kymer. y vilfei a mor+
tera drỽy uinegyr a dot yn|y froeneu
ac ef a dyr y gỽaetlin. Y ỻlad pryuet
a|aner yn y kyỻa neu ˄yn y groth y rei ny adant
kynnal na bỽyt na diaỽt namyn y|ch ̷ ̷+
ỽydu. kymer. miỻefoliỽm a|tharaỽ y my+
ỽn gỽin mỽygyl a dyro y|r claf o|e yuet
Yn erbyn gỽenỽyn taraỽ dỽy gneuen
a their o|r figys sychyon a deil y rut a
phymthec gronyn ar hugein o halen
a|dyro y|r claf ar y gythlỽng. [ wyth
rann a|ddyly bot ym pob dyn y rann
| « p 63r | p 64r » |