BL Cotton Titus MS. D IX – page 73r
Llyfr Blegywryd
73r
y llỽdynn a|ladher. a|r deilat a|vyd ryd. O|R
llad ysgrybyl trefgord lỽdynn. ac na wypp+
er pỽy a|e lladho. doet y|perchennaỽc y|llỽ+
dynn a chreir gantaỽ y|r tref. a|rodent lỽ
diarnabot. ac odyna talent y|llỽdyn y|rif
eidon. ac o|r byd eidon moel. rann deu|eidon
a a ar hỽnnỽ. a|r gyureith honno a|elỽir
llỽyr tal gỽedy llỽyr tỽg. ac o|r byd ar
neb adef llad eidon y lladll. talet y|perchen.
UN peth ar|dec yssyd a gỽerth pob vn o+
honunt yỽ pedeir keinnaỽc cota. nyt am+
gen. LLo kynnfflith. a|e|theth. pedeir kei ̷ ̷+
nnaỽc cotta pan dotter gyntaf i·eu ar|ych
a|phedeir keinnaỽc a chỽannecceir ar w ̷ ̷+
erth march pan ffrỽynner gyntaf. a ̷
gafuyr. a|bỽch. ac asgỽrnn tỽn vch cre+
uan. ac ebaỽl ymdiuat. a|phedeir keinn +aỽc gỽastrody +onn ~ a|phedeir kein+
naỽc heit a|disgynho ar gagen. a chostaỽc
tom. NN* |dyly kynnhen vot ar leidyr a
werth berthyno y|werthu hyny vo ma+
nac arnaỽ yn gyntaf yn|tri lle. megys
y|mae racdywededic kynn o|hynn. NY
dyly vot reith ar leidyr kyssỽyn hyny
vo manac arnaỽ yn|gyntaf y|myỽn llys.
L Lo o hanner maỽrth neu ebrill. hyt
galan racuyr. whecheinnaỽc a|tal.
| « p 72v | p 73v » |