Cardiff MS. 1.362 (Hafod 1) – page 41v
Brut y Brenhinoedd
41v
ar wyr ac arueu ac eur ac aryant ar uor ar tir yn
keissaỽ amdiffyn popyl mor lesc a hynny. A bot
sened rufein yn blinaỽ o treulaỽ eu da. ac eu sỽllt
mor wastat a hynny yn kerdet mor a thir. ac yn
diodef agheuolyon perigleu drostunt. A bot yn
well gantunt dilyssu eu teyrnget no hynny. Ac
y gyt a hynny bot yn iaỽnach udunt e hunein
kymryt dysc ac aruer o ymlad mal y gellynt
amdiffyn eu gỽlat. no dodi eu hemdiret yn
wastat ar wyr rufein. A gỽedy dauot* udunt ve+
negi yr ymadrodyon hynny yr brytanyeit. erchi
a wnaethant kynnullaỽ ieuenctit ynys prydein a|e
holl ymladwyr Ac eu dỽyn hyt yn llundein yn eu
herbyn ỽynteu. kanys ar ymhoel y* oedynt tu a
rufein. A gỽedy eu dyuot yn llỽyr hyt yn lludein
pregethu udunt yd erchit y kuhelyn archescob
llundein a menegi udunt yr ymadrodyon yd oed
wyr rufein yn|y adaỽ gantunt.
A megys y dechreuis yr archescob yr amadra+
ỽd. Arglỽydi heb ef kyt archer y mi pre+
gethu ychỽchi; ys mỽy ym kymhellir i y ỽylyaỽ.
noc y prygethu. rac truanet genhyf|i yr ymdi+
uedi ar gỽander a damwheinỽys y chỽi gỽedy as+
peilaỽ o vaxen ynys prydein o|e marchogyon a|e
ymladwyr. Ac a dieghis o·honaỽch hitheu*. pobyl
aghefryrỽys* yỽch y ymlad. namyn yn achubedic
o amryuolyon negesseu a chefnewidyeu yn vỽy
noc ar dysc ymladeu. Ac ỽrth hynny pan doeth+
ant aỽch gelynyon am aỽch pen; y aỽch kym+
| « p 41r | p 42r » |