Cardiff MS. 1.363 (Hafod 2) – page 14r
Brut y Brenhinoedd
14r
ergrynedyc. ymchwelvch. ymchwelỽch ac ymle+
dỽch at choryneỽs. Gwae chwy rac kewylyd y saỽl
ỽylyoed honno o wyr|en ffo rac|ỽn gwr. Ac ar|wed
honno y gwatwarey wynt.
AC ar hynny sef a orỽc yarll a elwyt sywart
y gyt a|thry chant marchaỽc ymchwelỽt a
chyrchỽ coryneỽs. Ac ysef a orvc coryneỽs gochel
y dyrnaỽt a dan y taryan. a choffaỽ y wuyall
deỽfynyaỽc a orỽc a gossot ar warthaf y pen+
festyn a|e holly yn dwy ran a orỽc ydaỽ hyt y da+
yar. Ac yn y lle yn dyannot kymhell yr rey ere+
yll ar ffo a orỽc kan gwneỽthvr gwychraf ae+
rỽa onadỽnt. A phaỽb o|r gelynyon yn|y erbyn
ef e hvn. ac yntev yn erbyn pavb. Ac ar wuyall
honno y trychey ef pen y ỽn. ac y arall ỽreych y
ỽrth y escwyd. y ereyll e gwahaney eỽ|traet ac
eỽ heskeyryeỽ y wrth eỽ corfforoed. Ac gwedy gw+
elet o brỽtỽs hynny kyrchỽ a orỽc ynteỽ a|e ỽydyn
y gyt ac ef o|y kanhwrthwyaỽ. Ac yna y bỽ y lle+
ỽeyn ar gordery. yna y bv newydyaỽ mynych
dyrnodyeỽ o pob parth a dyrỽaỽr eyryf o ka+
laned. Ac ny bv yna ỽn gohyr y wudỽgolyaeth
a kaỽas brỽtỽs a gwyr tro. a goffar ỽrenyn a|e
| « p 13v | p 14v » |