Cardiff MS. 1.363 (Hafod 2) – page 35r
Brut y Brenhinoedd
35r
a wnaey. sef a orỽc mynet at tywyssogyon ffre+
ync. a deỽ·dec marchaỽc y gyt ac ef. A gwedy my+
negy ohonaỽ ỽdỽnt y gofỽt ar trweny ar ky+
ỽaroed ac ef. ac na chaffey nep kanwrthwy na
nerth y gan ỽn o·honỽnt. o|r dywed ef a aeth hyt
at segwyn tywssaỽc* bwrgwyn. ar gwr hỽn+
nv a|e harỽolles yn anrydedvs ef. Ac gwedy
trygaỽ ohonaỽ a phresswllyaỽ y gyt ac ef kym+
eynt wu y kytymdeythas ac ef ac nat oed er eyl
gwr yn y llys a|ỽey kyfỽrd ac ef. kanys ym pob
negys nac yn ryỽel nac yn hedvch clotỽaỽr a mo+
lyanhvs yd ymdangossey hyt pan yd oed y tywss+
avc yn|y karỽ megys kyt bey ỽn map ydaỽ. kanys
Gwas teg oed vran o|e welet o|e pryt ac o|e osceth.
ac|aelodeỽ teyrneyd brenhynaỽl ydaỽ. Ac y gyt
a hynny megys y gwedey ydaỽ doeth a chyfrwys
o·ed yn hely a gweylch ac a hebogeỽ. A gwedy y
ỽynet yg karyat kymeynt a hỽnnỽ gan y tywss+
aỽc. ef a vynỽs rody y ỽran ỽn ỽerch oed ydaỽ.
hep ettyỽed arall yn|y gwreycca. ac ony bey ỽn
map yr tywssavc dygwydaw y kyỽoeth oll y
ỽran gwedy bey varỽ y tywssaỽc. Ac y gyt a
| « p 34v | p 35v » |