BL Harley MS. 958 – page 7r
Llyfr Blegywryd
7r
1
phedeir keinaỽc kẏfreith ẏ|r sỽẏ*. Ac os
2
vn o|r sỽẏdogẏon ar·benhic uẏd hỽnnỽ
3
talet ẏn deudẏblẏc idaỽ. Y dir a geif ẏn rẏd.
4
A ran a geif o aryant ẏ gwastrodẏon. Y verch
5
a uẏd vn vreint a merch ẏ bard teulu. Ẏ
6
ebediỽ uẏd chweugeint.
7
G wastraỽt auỽẏn galanas a sarha+
8
et ẏssẏd idaỽ mal ẏ dẏwespỽẏt vrẏ.
9
ef a dẏlẏ peri ẏ|r brenhin ẏ varch a|e ar+
10
ueu ẏn paraỽt pan ẏ mẏnho. Ac a|e deilẏ
11
pan eskẏnho. a phan diskẏnho. Ac a|e dỽc
12
o ẏ letẏ. O ebolẏon anreith ran gỽr a geif.
13
Ẏ verch vn vreint uẏd a merch bard teu+
14
leu. Y ebediỽ ẏỽ chweugeint. Naỽd drẏs+
15
saỽr ẏstaueỻ ẏỽ hebrỽng ẏ dẏn hẏt at ẏ por+
16
thaỽr. Y sarhaet a|e alanas a|uẏdant me+
17
gẏs ẏ drẏssaỽr neuad ẏ dir a geif ẏn rẏd.
18
A|e varch ẏn wastat ẏ gan ẏ brenhin. Sỽẏd+
19
ogẏon a aỻant ẏn ryd mẏnet ẏ|r neuad. ac
20
ẏ|r ẏstaueỻ. ac ẏ|r gegin. O pob anreith a
21
del ẏ|r porth ẏ porthaỽr a geif ẏ ỻỽdẏn diweth+
22
af. Y porthaỽr a geif pedeir keinaỽc o pob
23
karcharaỽr a garcharher trỽẏ vn nos. Ga+
24
lanas a sarhaet coc a|uẏdant megẏs ẏ dẏwes+
25
pỽẏt vrẏ. Y dir a geif ẏn rẏd. A|e varch ẏn
26
wosseb y gan ẏ brenhin. Amẏscar ẏr hoỻ
| « p 6v | p 7v » |