Oxford Jesus College MS. 119 (The Book of the Anchorite of Llanddewi Brefi) – page 142r
Gwlad Ieuan Fendigaid
142r
yno. Pob blỽydynn yd aỽn ni y|pererindaỽt yr|lle y
mae corff daniel prophỽyt. a lluoed maỽr ygyt a|ni.
y|babilon diffeith a|hynny yn aruaỽc o achaỽs
aniueileit a elỽir tygrydot. A|ryỽ seirff ereill a|el+
ỽir deuites. Yn yn gỽlat ni y|dellir ryỽ byscaỽt ac
o ỽaet y|rei hynny y|lliỽir y|porffor gỽerthussaf.
llaỽer o leoed ysyd yni. kenedyloeth deỽrhaf yn|y
byt. a hagyr. ni a|arglỽydoccaỽn y kenedloed a|el+
ỽir amazoneit. A bragmanyeit. Y llys y|pressỽyla
yn ardechogrỽd ni yndi. a|ỽnaethpỽyt ar ansaỽd
a chyffelybrỽyd y|llys a vrddassaỽd thomas ebostol
y wyndofforus brenhin yr yndia. A|e yspoydeu. a|e
hadeiledigaetheu yn hollaỽl kyffelyb yỽ idi. ~
Pyst y|neuad a|e hystyffyleu. A|e phethyneu a|hen+
nynt o ryỽ brenn a|elỽir cethim. toat y|neuad a
henyỽ o ryỽ lysseu a|elỽir hebenus. Sef achaỽs
yỽ hynny hyt na aller o neb mod yn|y byt y|llosci.
Ar y kyrreu eithaf ar penn y|neuad honno y|m+
ae deu aual o eur. ac ym|pob vn ohonunt y|mae
maen gỽerthuaỽr a|elỽir carbunck. hyt bann
oleuhao yr eur y|dyd. Ar mein y|nos. y|rannev
mỽyhaf o|r neuad a henynt o|r mein a elỽir sar+
donici yn gymysgedic a cerastes. Sef achos yỽ y
hynny hyt na allo neb yn lledrat dyvot a|gỽen+
ỽyn gantaỽ y|myỽn. petheu ereill o|r neuad a he+
| « p 141v | p 142v » |