Oxford Jesus College MS. 119 (The Book of the Anchorite of Llanddewi Brefi) – page 47r
Ystoria Lucidar
47r
Gwediev. Gỽeithrodoed* ereill gỽar. Ac ynn
bennaf y grymhaa vdunt o|r gỽassannaetha+
ant wyntev ac ỽynt yn vyỽ gynt dros ere+
ill. A|rei onadunt a|rydheir yn|y seithuet
dyd. Ereill yn|y decuet ar|hugein. Ereill ym
penn y|vlỽydynn. Eereill* ym penn llaỽer o
amser. paỽb hagen dydbraỽt a vyd kyffelyb
yr engylyon. Paham y|gỽneir yn|y dydyev
hynny yn vỽy noc yn dydyeu ereill. Tri. A
phetỽar a|vyd seith. drỽy y|tri y|dyellir ffyd
y|trindaỽt. A|thrỽy y|petỽar y|dyellir dyn a
gyuannsodir o|r petỽar defnyd. Ar eneit o|r te+
ir nerth. nyt amgen. Doosparth. A llit. A ch+
ỽant. Ar holl amseroed a|dreiglir o|r seith niỽ+
arnnaỽt. Ac vrth hynny y gỽneir seith nihev
y|purdan mal y|galler beth|bynnac a|bechaỽd
yr eneit o|r teir nerth drỽy betỽar defnyd dyn
yn erbyn seith rinỽed yr yspryt glan y|dilev.
Yn dec ar|hugein heuyt y gỽneir. A llyna yr
achos drỽy dri dec y|kyuyt dec ar|hugein. drỽy
tri y|dyellir newydedyf o achos ffyd y|drinda+
ỽt. A|thrỽy dec y|dyellir hen·dedyf. o achos y|deg+
eir dedyf. A redec y|mis yn dec niỽarnnaỽt ar
hugeint. Ac velle y|dyellir beth|bynnac a|be+
chaỽd dyn yn|y missoed yn erbyn hendedyf.
| « p 46v | p 47v » |