Oxford Jesus College MS. 119 (The Book of the Anchorite of Llanddewi Brefi) – page 5v
Ystoria Lucidar
5v
y|mab. drỽy y|gỽres y|dyellir yr yspryt glan.
Paham y|gelỽir ef yn dat. am|y vot yn ffyn+
nyaỽn. ac yn vonhed ym|pob peth. Paham
yn vab. Am|y|vot yn doethineb yr tat. megys
goleuni yn|yr heul. Paham yn|ysbryt glan.
am|y vot yn garyat y bot vn o·honunt. nyt
amgen. yr tat. ac yr mab. ac yr ysbryt glan.
Ac yn llauuryaỽ o·honunt yn tragyỽydaỽl.
O|r tat. a|thrỽy y|mab. ac yn|yr ysbryt glan.
y|byd pob peth. Y|tat yỽ kof. Y|mab yỽ dyall.
Yr ysbryt glan yỽ yr eỽyllys. Pa|le y|mae duỽ
yn kyfuannhedu. Mi a|e dyỽedaf yt. kyt bo+
et ef ym pob lle herỽyd gallu. eissoes yn|y
nef dyallus y|mae y|allu ef a|e gedernnyt.
Pa|beth yỽ nef. Tri ryỽ nef a|dyỽedir. nyt
amgen. Vn corfforaỽl a|ỽelỽn ni. Eil yỽ. Vn
ysbrydaỽl. y kredir bot yr egylyonn yn|y gyf+
uannhedv. Y|trydyd yỽ. nef dyallus yn|yr
hỽnn y|mae y|drindaỽt. ar rei gỽynuydedic
wyneb yn ỽyneb. Pa|ffuryf y|dyỽedir bot
duỽ. Ym bop lle. y·gyt. ac yn gỽbyl y|dyỽedir
y|vot ym|pob lle. kanys yn vn voment y|byd
o|r dỽyrein yr gorlleỽin yn llunyeithaỽ pob
lle. a phob peth. Ef a|dyỽedir y vot ef ym bop
lle yn wastat. kanys yn|yr vn amser yd ardy+
| « p 5r | p 6r » |