Oxford Jesus College MS. 57 – page 101
Llyfr Blegywryd
101
myc. ac ỽrth hynny ny dyly y brenhin atteb drostaỽ.
am yr hynn a|wnel y maes o|e wassanaeth dylyedus.
Tri ryỽ varn tremyc yssyd. vn yỽ. barn a ro+
der yn erbyn dyn ny|s|clywo pan datkaner gyntaf
myỽn y|ỻys. nac ym|peỻ nac yn|agos y bei. Os
yn|agos y bei y ringiỻ a|dylyei y alỽ megys y
clywei y varn a rodit idaỽ neu arnaỽ. Os ym
peỻ y bei y aros a|dylyit hyt pan ymdangossei
yn|y ỻys o|r geỻit y gaffel ỽrth gyfreith yn am+
seraỽl. Eil yỽ. braỽt a|roder ar dyn kyndrycha+
ỽl trỽy orthrymder o|bleit y brenhin neu y
braỽdỽr. neu|wyr y ỻys. Trydyd yỽ. barn braỽ+
dỽr anheilỽng. Tri dyn yssyd ny dichaỽn vn
o·honunt bot yn vraỽdỽr teilỽng trỽy gyf+
reith. vn ohonunt yỽ dyn anafus. megys
bydar neu daỻ neu glafỽr. neu dyn gorffỽy+
ỻaỽc. dyn a|orffo y rỽymaỽ unweith am y
ynuytrỽyd. neu dyn ny aỻo dywedut yn ia+
ỽn megys cryc anyanaỽl. Eil yỽ. dyn eglỽ+
yssic rỽymedic ỽrth urdeu kyssegredic. neu
| « p 100 | p 102 » |