Oxford Jesus College MS. 57 – page 163
Llyfr Blegywryd
163
un ar|bymthec. hyt galan mei. deunaỽ. Hyt
aỽst ugeint. Eildyd aỽst pedeir keinyaỽc a
chwaneckeir arnaỽ. hyt galan racuyr. chwech
ar|hugeint. Hyt galan chwefraỽr. wyth ar|huge+
int a|dal. Hyt galan mei. dec ar|hugeint. Naỽuet+
tyd mei. teithi kynfflith a|dylyir y ovyn ohonei.
ac yn|y dyd hỽnnỽ yd|achwaneckeir un ar|bym+
thec arnei. nyt amgen no gỽerth y ỻaeth. ac
yna wyth a|deugeint a|dal. hyt galan racuyr dec
a|deugeint a|dal. Hyt galan chwefraỽr deudec a
deugeint a|dal. Eildyd chwefraỽr pedeir keiny+
aỽc kyfreith a|dyrcheif arnei yna. Kalan mei
trugeint a|dal. ac yna buch gỽbyl vyd. Teithi
buch yỽ. dec ar|hugeint aryant. Dros y ỻaeth pe+
deir ar|hugeint. a|chwe|cheinyaỽc dros y ỻo. Tei+
thi kynfflith yỽ ugeint. vn ar|bymthec dros y
ỻaeth. a|phedeir keinyaỽc dros y ỻo. Dros laeth
wythnos. keinyaỽc a|delir. O dri mod y telir tei+
thi buch. o|dec ar|hugeint aryant. neu o vuch
dec. neu o|vlaỽt. Os o|vlaỽt ual hynn y telir. ~
| « p 162 | p 164 » |