Oxford Jesus College MS. 57 – page 276
Llyfr Blegywryd
276
ryd yỽ idaỽ rodi y auael y|r haỽlỽr. O deruyd
y dyn kymryt mach ar da y gan araỻ. a|gỽe+
dy hynny dehol y talaỽdyr o|r wlat. ae o alanas
ae o achaỽs araỻ. mal na dy·lyo ef vot yn|y
wlat. a mynnu o|r haỽlỽr y da gan y mach.
Sef a|wyl kyfreith yna. bot yn iaỽn rannu
y coỻet yn deu|hanner. nyt amgen talu o|r
mach y neiỻ hanner y|r haỽlỽr. kanys hagyr
oed talu o|r mach kỽbyl. ac ef yn wirion. ac nat
tegach coỻi o|r haỽlỽr kỽbyl. a|chredu ohonaỽ
ynteu y vach. a ỻyna y|trydyd ỻe y rann. kyfreith.
yn deu hanner. O|deruyd dyuot y talaỽdyr y|r wlat
gỽedy hynny. ỽynteu a|dylyant kymeỻ y
da hỽnnỽ arnaỽ ef. ac yna y mae iaỽn y|r
mach kaffel y da hỽnnỽ. a ỻyna ỻe y byd kym+
heỻỽr y mach ar da idaỽ e|hun. O deruyd bot
mach ar dylyet a marỽ y mach. ac adaỽ mab
o·honaỽ. y mab yna a seif yn|ỻe y dat. Rei a
dyweit. o|r myn y mab wadu y uechni. mae
uch benn bed y dat y gỽatta. Kyfreith. a|dyweit nat
ef. kanyt erlyn. Kyfreith. y byt hỽnn. nac y nef nac y
| « p 275 | p 277 » |