Oxford Jesus College MS. 57 – page 39
Llyfr Blegywryd
39
niaeth yỽ. na del yn dyd galỽ y lys ossodedic y
atteb. neu y amdiffyn rac atteb. Tri dyn ny dy+
lyir eu gỽyssyaỽ. tyst. a gỽarant. a|gỽeithredaỽl
kyssỽyn. neu gyfadef mechni a dylyir ar hỽn+
nỽ. Tri ryỽ wadu yssyd. gỽadu oỻ y dadyl a
dotter ar dyn. a hỽnnỽ a|wedir trỽy reith osso+
dedic heb na mỽy na llei. Eil yỽ adef rann o
dadyl drycweithret a|gỽadu y kỽbyl weithret.
ac yna y|gỽedir gan achỽaneckau reith os+
sodedic. megys yng|gouynneu kyfreith am
lofrudyaeth yn|y ỻe y tyngei dengwyr a deuge+
int. gan wadu ỻofrudyaeth a|e haffeitheu oỻ.
yno y tỽng cant. neu deucant. neu trychant
gan wadu ỻofrudyaeth. ac adef affeith. Trydyd
yỽ; gỽadu rann ac adef rann araỻ o dadyl
heb weithret yndi. ac yna gan leihau reith osso ̷+
dedic y gỽedir megys myỽn mechni. Y ỻe y
tyngei y mach ar|y seithuet gan wadu y uechni+
aeth oỻ. yno y tỽng e|hun wadu rann ac adef
rann araỻ o|r vechni. ~ ~ ~ ~ ~ ~
| « p 38 | p 40 » |