NLW MS. Llanstephan 27 (The Red Book of Talgarth) – page 38r
Ymborth yr Enaid
38r
gymeint ac y geỻych vỽyaf. Och arglỽyd heb y braỽt nyt
oes diolch ym yr dy garu. kanys nyt oed neb o|r a|th welei ar
ny|th garei. Oes heb ef kanys nyt ymdangossỽn ytt onyt
yr vyng|karu ohonat. ac ny chery di vi yn gymeint ac y caraf|i
di. ac etto ny weleist di vi yn gỽbyl. a phan ym gỽelych ti a|m
kery yn amgen ystyr. a manac y|r prydydyon y rodeis i u+
dunt gyfran o yspryt vyn|digrifỽch|i mae iaỽnach oed udunt
ymchoelut y|r yspryt hỽnnỽ y|m diwyỻ i. noc y ganmaỽl yn+
vytserch gorwagyon betheu tranghedigyon yn amseraỽl. ~
B Eỻach kanys o dwywaỽl garyat annwylserch yr
yspryt glan y daỽ y dywededigyon ysprydolyon wele+
digaetheu yn|y marỽ·huneu a|r perlewycuaeu a|delont o|r ser+
chaỽl garyat hỽnnỽ. ỽrth hynny gỽybyder pa ffuryf y gaỻ+
ont dyuot. ac yn|gyntaf pan eidunych eu bot yn dyuot gỽy+
byd dy vot yn dibechaỽt drỽy gredu ohonat y iaỽnffyd yr
eglỽys lan gatholic. a bot gennyt ffydlaỽn obeith yn|y creaỽ+
dyr gan y obryn arnaỽ o|th obrỽyolyon weithredoed crevydus+
syon. a gỽir garyat ar duỽ ac ar dy gyfnessaf. ac ymwrthot
a|gỽydyeu. ac aruer o|r campeu nerthuaỽrussyon. ac ymbara+
toi ac ymlunyeithaỽ yn dy wely wedy pylgeint. neu wedy han+
ner nos yn ol yr hun gyntaf neu y dỽy wedy gỽypych vot
dy annyan yn orffowyssaỽl wastatwed ardymer heb na rỽy
ormod na ry eisseu arnei. Ac yna drỽy wir garyat. a chỽbyl
ewyỻys dy gaỻon glutwedvedylya am brif|degỽch y carueid+
uab dwywaỽl a|dywetpỽyt uchot. a thebic y vot y·rỽng dy
ureicheu. a thitheu y·rỽng y vreicheu ynteu yn ymwasgu
ac yn ymgaru ac ef gan gadarn gredu ac ymdiret yn
| « p 37v | p 38v » |