NLW MS. Llanstephan 4 – page 23r
Bwystoriau
23r
y|th ganlyn kanys tydi yssyd vam herỽ+
yd caryat ymi. A gỽybẏd|di yn ỻe gwir
nat oes a|aỻo ymi na da na didanỽch
onyt tydi. ac ny mynnỽn aỻel o neb
chỽeith solaus ym onyt a|aỻut ti ac
a|wnelut. a mi a|gefeis dywedut y gan
lawer vn mae ffol oed ym ossot vy|mryt
na|m|medỽl arnat ti. a·gatuyd y rei a|dy+
wedynt ỽrthyf hynny. ỽynt a vynnynt
pei trikyỽn ygyt ac ỽyntỽy. a haỽs ym+
peỻ oed ym gael trugared a|meithrin
ganthunt ỽy no chennyt ti. Eissyoes
pei tydi a vynnei vy meithrin i; mi
a vydỽn gystal ederyn ỽrthyt ac y
byd yr adar a elwir chuinng. Natur
y chuinng yỽ. kyhyt o amser ac y bo y
chuing yn meithrin y veibyon adar
kyhyt arall y hynny y byd y veibyon
yn meithryn y chuinng pryt na aỻo dim
o dra·heneint. ac veỻy y gỽna adar y
Rup neu|r Epopus. A|phan welont yr
adar Jeueingk y rei hen yn dechreu
bỽrỽ eu pluf o dra·heneint ỽynt a gyr+
chant anyalỽch a diffeith ỻe ny bo sa+
thyr na da na dynyon a|r ỻe clyttaf
a gaffont. ac yna ef a|daỽ yr adar Jeueigk
| « p 22v | p 23v » |